Min fálaldagat
 
»  Gillájeddjiide
»  Oapmahaččaide
»  Fidnojoavkkuide
 
Fáttát
 
»  Doarjjaguovddážat Norggas
»  Mii lea inseasta/seksuálalaš illásteapmi?
»  Gii sáhttá veahkehit
»  Iešveahkeheami birra
»  Ávkkálaš liŋkkat
 
Guovddáža birra
 
»  Ovdasiidu
»  Mielbargit
»  Stivra
»  Govat guovddážis
»  Mii doallat dábálaččat rabas buot árgabeivviid
»  Váldde oktavuođa
»  Min birra
 
SMISO
Tel: 77 65 20 44
E-poasta: post@smiso.no

Birrajándora doarjjatelefovdna inseastagillájeddjiide ja oapmahaččaide: Ruoná nummar: 800 57 000. Vestfold inseastaguovddáš vástida.

Jus vároha seksuálalaš illásteami

Ná dagat jus várohat seksuálalaš illásteami:

  • Várohuvvon illásteaddji ii galgga oažžut dieđu vároheami birra, ovdal go ášši lea váidojuvvon. Dát lea danne vai ii beasa billistit duođaštusaid.
  • Dáhkit ahte it leat akto iežat várohemiin. Sáhtát váldit oktavuođa iežas lagamus hoavddain, dahje riŋget iežat báikkálaš veahkkeapparáhttii ságastallat ášši anonyman. 
  • Čális goas várohišgohtet ja manne. Joatkke čállit notáhtaid dađi mielde go oainnát dahje humat mánáin. Notáhtat sáhttet šaddet áibbas dárbbašlažžan dikkis dahje mánáidsuodjalusáššis.
  • Jus mánná ieš muitala, de galgá beassat muitalit friddjadit hobeheami haga. Bija muitui ja čále detáljjaid nu "juste" go vejolaš. Čilge maiddái máná miellalági. Sáhtát jearrat goas illásteapmi/dáhpáhus dáhpáhuvai maŋemus.
  • Jus illásteapmi lea aitto dáhpáhuvvan, maŋemus 72 diimmus, de lea dehálaš sihkkarastit biologalaš mearkkaid. Váldde oktavuođa doaktáriin dahje politiijain dakkaviđe! Mánná ii galgga riššudit/basadit. Biktasat vurkkoduvvojit goikásis ja sirrejuvvojit. Rája biktasiid báhpira sisa, ii fal plastihka sisa.  
  • Mánáidgárdi, skuvla, SFO je. eai galgga vuordit, muhto ovttatmano váldit oktavuođa suohkana mánáidsuodjalusbálvalusain ja vejolaččat politiijain.

Gáldu: Konsultášuvdnajoavku Davvi Dearvvašvuođaguovllus.

Erenoamážit dearvvašvuođabargiide
Dearvvašvuođabargiidláhka geatnegahttá dearvvašvuođabargiid addit dieđu mánáidsuodjalussii jus várohit illásteami.

§ 33. Dieđut mánáidsuodjalusbálvalussii 

Dat gii bargá dearvvašvuođasuorggis, galgá barggustis leat áicevaš diliide mat sáhttet mielddisbuktit doaimmaid mánáidsuodjalusbálvalusa bealis. 

Beroškeahttá jávohisvuođa geatnegasvuođas § 21 mielde galget dearvvašvuođabargit eaktodáhtolaččat addit dieđuid mánáidsuodjalusbálvalussii go lea ágga jáhkkit ahte mánná illástuvvo ruovttus dahje jus vároha earalágán duođalaš fuolahusváilli, gč. lága mánáidsuodjalusbálvalusaid birra § 4-10, § 4-11 ja § 4-12. Seamma guoská go mánás leat leamaš bistevaš ja duođalaš láhttenváttisvuođat, gč. namuhuvvon lága § 4-24. 
 

Maiddái jus dat orgánat main lea ovddasvástádus čađahit lága mánáidsuodjalusbálvalusaid birra bivdet dieđuid, de galget dearvvašvuođabargit addit dákkár dieđuid.
 

Dearvvašvuođaásahusain galgá nammaduvvot olmmoš geas lea ovddasvástádus addit dákkár dieđuid.

Geahča maiddái:
Mánáidsuodjaluslága
Dearvvavšvuođabargiidlága
Min birra
  SMISO doarju gillájeddjiid ja oapmahaččaid dainnalágiin ahte veahkeha birget illástemiiguin ja daid váikkuhusaiguin. Mii bargat "veahkki iešveahkeheapmái"-prinsihpa mielde.
Loga eambbo
 
 
Webdesign og utvikling av Kontakt Media